Dheere dheere

Yeh jo ped hai. Dheere dheere badhta hai aur bada hota hai, bina ruke.
Sawan, patjhad, sabke maze leta hai, har pal dheere dheere.
Iski zindagi insaano se alag hai. Juda hai iske andaaz.
Bas ek jagah reh kar saare maze leta hai dheere dheere.

Mast hawa ke saath hasta, lehrata aur muskurata hai.
Ped se girte patte, hawa mein dagmagate hain.

Aur ye hawa jab, thandi thandi chalti hai, toh saari tension bhula deti hai.
Muskaan si aajati hai chehre par.
Na koi gham, na muflisy, bas khushi chaa jati hai.
Yeh hawa jab chalti hai thandi dheere dheere.

Aur jharne mein jo paani girta hai,
uski cheetein jab padti hain badan par, ek ehsaas hota hai.
Bachpan aur uski yaadein nazar aati hai, aankhon mein.
Baarish ka paani, baadal garajte hue, thandi hawa aur ek muskurata ped.
Uske neeche baith jao aur kuch na karo, par phir bhi maza aata.

Yehi hai kudrat.

Advertisements